Fréttir

Slökkvilið Grímseyjar fá nú Scott Propak reykköfunartæki í slökkvibifreið sína. Reykköfunartækin verða með maska fyrir fjarskiptabúnað þeirra. Á skömmum tíma höfum við náð góðri dreifingu á nýju gerðinni af Scott reykköfunartækjunum þ.e.  þessari nýju evrópsku gerð sem reynist mjög vel eftir því sem við heyrum. Sérstaklega er tiltekið hversu gott útsýni reykafarinn hefur um grímuna enda mjög sérstakt lag á gleri. 

Brunavarnir Árnessýslu eru nú að fá WISS slökkvibifreið TLF6000/200 á Renault Kerax 4 x 4 undirvagni með 450 hestafla vél. Því miður erum við seinir með afhendingar á bifreiðum en það er einfaldlega vegna seinagangs á afhendingu undirvagna. Sökin liggur ekki hjá yfirbyggjanda.

Í september fór nokkuð stór hópur til Wawrzaszek í Póllandi til að leggja lokahönd á útfærslu og búnð í þeim bifreiðum og gámum sem er væntanlegt til landsins.

Við höfum byrjað samstarf við fyrirtækið Asecos en frá þeim fáum við margskonar eldtraust ílát , eldtrausta geymsluskápa og annað fyrir spilliefni og annan hættulegan varning.

Fyrir stuttu voru byggðar fjórar almannavarnarbifreiðar fyrir dönsku Almannavarnirnar hjá ISS-Wawrzaszek í Póllandi. Þær eru um margt mjög sérstakar en þær eru byggðar eftir hugmyndum  kaupanda. Bifreiðarnar hafa vakið mikla athygli fyrir ýmsar útfærslur og lausnir.

Við viljum vekja athygli ykkar sem eru með Rosenbauer dælur að skoða sogdælurnar reglulega og kanna gúmmíblöðkurnar í þeim. Við munum eiga hjá okkur blöðkur til skiptanna en eflaust er þörf á að skipta um blöðkur hjá mörgum.

Fleiri velja afkastamiklar, einfaldar, öruggar  og ódýrar Tohatsu slökkvdælur.  Arnarfell fékk í siðustu viku Tohatsu VC72AS brunadælu sem afkastar 1.300 l/mín við 8 bar og 3m. soghæð um 6m. barka. Einstök í sinni röð og þyngd hennar er aðeins 85 kg. Fyrir stuttu fengu Slökkvilið Langanesbyggðar, Slökkvilið Grenivíkur og Slökkvilið Borgarbyggðar Tohatsu dælur.

Eins og við minntumst á þá fengum við heimsókn frá Weenas í síðustu viku. Okkur langar til að leyfa ykkur að sjá myndband sem okkur áskotnaðist en þar er verið að fást við kirkjubruna í Svíþjóð.

Við erum þessa dagana að ganga frá sendingu á nokkrum gerðum slökkvitækja og eldvarnateppa frá Kína. Í öllum tilfellum munum við bjóða betra verð en við höfum hingað til getað boðið á svipuðum eða sambærilegum tækjum og búnaði. Við biðjum þá sem vilja vera í samvinnu við okkur í árvissri sölu um jólin að hafa samband sem fyrst.

Í vikunni nánar tiltekið á fimmtudag fáum við heimsókn frá Weenas AS en frá þeim kaupum við hlífðarfatnað þann sem vð höfum boðið og selt undanfarin fjögur ár úr Pbi Kelvar og Nomex efnum.